उत्कृष्ट खेलाडी बन्दै फागुराम चौधरीले पाए २० हजार
![उत्कृष्ट खेलाडी बन्दै फागुराम चौधरीले पाए २० हजार](https://www.tharuwan.com/wp-content/uploads/2022/10/Football-Winer1.jpg)
धनगढीमा भएको ‘सुदूरपश्चिम राजधानी कप राष्ट्रिय फुटबल प्रतियोगिता’को उपाधि लुम्बिनी प्रदेशले जितेको छ। शनिबार साँझ धनगढी रङ्गशालामा भएको फाइनल खेलमा लुम्बिनी प्रदेशले कर्णाली प्रदेशलाई सडनडेथमा पराजित गर्दै उपाधि जितेको हो।
लुम्बिनीले कर्णालीलाई सडनडेथमा १०-९ गोलले हराएको हो। यसअघि निर्धारित समयमा दुवै टोलीले एक-एकको बराबरी खेलेका थिए। दुवै टोलीले आत्मघाति गोल गर्दा बराबरी भएको थियो।
उपाधिसँगै लुम्बिनी प्रदेशले रु पाँच लाखसहित ट्रफी, मेडल प्राप्त गरेको छ। उपविजेता कर्णाली प्रदेशले रु तीन लाखसहित ट्रफी, मेडल प्राप्त गरेको छ।
प्रतियोगिताको उत्कृष्ट खेलाडी घोषित लुम्बिनी प्रदेशका फागुराम चौधरीले रु २० हजार प्राप्त गरे। त्यस्तै उत्कृष्ट रक्षक लुम्बिनी प्रदेशका चेतन थारू, उत्कृष्ट गोलरक्षक कर्णाली प्रदेशका सुदीप शाही ठकुरी, उत्कृष्ट प्रशिक्षक कर्णाली प्रदेशका चन्द्रप्रकाश शाही उत्कृष्ट मिडफिल्डर कर्णाली प्रदेशका भुपेन्द्र शाही भए। उनीहरूले जनही रु १०-१० हजार पाए।
Facebook Comment