एमाले पार्टीमा गएका गौरीशंकर चौधरीसहित चार पूर्वमाओवादी सांसदले सांसद पद पुर्नबहाली गरिपाऊँ भन्दै दिएको रिट निवेदनमाथि सर्वोच्च अदालतले अन्तरिम आदेश दिन अस्वीकार गरेको छ । माओवादीले सांसदबाट पदमुक्त गर्ने निर्णय कानुन सम्मत नै रहेको आदेशमा भनिएको छ । चार जना नेताहरु एमालेको विभिन्न कमिटीमा भएकाले‍ एमालेले जारी गरेकाे अन्तरपार्टी निर्देशिकामा जनाए अनुसार यस्तो निर्देशन दिइएकाे हाे ।

एमालेका चार पूर्वनेताले आफूहरु माओवादीमा हुँदाको सांसद पद पुनर्बहाली गरीपाउँ भन्दै सर्वोच्चमा रिट दायर गरेका थिए । उक्त रिटमाथि सुनुवाई गर्दै सर्वोच्चले आदेश दिन अस्वीकार गरेको छ ।

लेखराज भट्ट, टोपबहादुर रायमाझी, प्रभु शाह र गाैरीशंकरले चाैधरीले दायर गरेको रिटमा सुनवाई गर्दै न्यायाधीश ईश्वरप्रसाद खतिवडाले अन्तरिम दिन अस्वीकार गरेका हुन् । योसँगै चारै नेताको सांसद पद गुमेको छ । उनीहरुको ठाउँमा सरकारले निर्वाचन गराउनुपर्ने हुन्छ ।