नासपा नेतृत्व गर्ने राज थारुको उद्घोष, लेखीलाई साधारण सदस्यसमेत नरहनेगरी निष्काशित
तत्कालीन सद्भावना पार्टीसँग पार्टी एकीकरण गरेको राजकुमार लेखीलाई नागरिक समाजवादी पार्टीको साधारण सदस्यसमेत नरहनेगरी निष्काशन गरेको छ। लेखीको निष्काशनसँगै पार्टीको संयोजक प्रवक्ता राज थारुले बनेका छन्। यद्यपि एकीकरण समारोहमा राज थारुले पनि सद्भावनाका अध्यक्ष राजेन्द्र महतोसँग फूलमाला र टीका लगाएर एकीकरणको घोषणा गरेका थिए।
सिराहाको लहानमा शनिबार बसेको बैठकले लेखीले मनोमानी ढंगले पार्टीलाई सद्भावनामा मिसाएको र सो दलमा एकीकरण नभएको प्रष्ट पारेको छ। निर्वाचन आयोगमा दर्ता रहेको नागरिक समाजवादी पार्टीलाई कायम राख्ने निर्णय सो बैठकले गरेको छ।
बैठकले पाँच सदस्यीय कार्यदल पनि गठन गरेको छ। कार्यदलमा अनिलकुमार चौधरी, रामबहादुर चौधरी, हेमनारायण चौधरी र विनोद चौधरी सदस्य छन्।
Facebook Comment