थारु सम्बद्ध संघसंस्थाले टीकापुर घटनाको सम्झनामा हरेक वर्ष कार्यक्रम गर्दै आएको छ। यस वर्ष पनि भदौ ७ गते थारु सम्बद्ध संघसंस्थाले कार्यक्रम गर्ने बताएको छ। रेशम चौधरी नेतृत्वको नागरिक उन्मुक्ति पार्टीले भदौ ७ र ८ गते टीकापुरको खुला मञ्च र लम्की बजारमा कार्यक्रम आयोजना गर्दैछ।

कार्यक्रम संयोजक ललित ताम्राकारका अनुसार घटनाको स्मरण गर्ने गराउने र आपसी सद्‍भाव कायम गराउने उद्देश्यले कार्यक्रम आयोजना गर्न लागिएको हो।

त्यस्तै थरुहट थारुवान राष्ट्रिय मोर्चाले टीकापुरमै कार्यक्रम गर्ने भएको छ। थारु कल्याणकारिणी सभाका काबा अध्यक्ष माधव थारुका अनुसार टीकापुरमा भदौ ७ गते दिउँसो १ बजे कार्यक्रम आयोजना गरिँदैछ।

त्यस्तै सोही दिन बहुल राष्ट्रिय समाजवादी पार्टीले सुनसरीमा बृहत् प्रदर्शन गर्दैछ। हालै निर्वाचन आयोगमा दर्ता भएको सो पार्टीका अध्यक्ष किशोर विश्वासले विरोधसभा हुन लागेको जानकारी दिए।