उर्मिला चाैधरी ‘फ्रिडम फ्रम फेयर अवार्ड २०१८’बाट सम्मानित हुँदै

कमलरी अभियन्ता उर्मिला चौधरी ‘फ्रिडम फ्रम फेयर अवार्ड २०१८’बाट सम्मानित हुने भएकी छन् । थारु समुदायको कमलरी प्रथा उन्मुलनमा योगदान पुर्याएको भन्दै उनलाई नेदरल्यान्डसको रुसभेल्ट फाउन्डेनसले उक्त अवार्ड प्रदान गर्ने भएको हो ।

सो अवार्ड समारोहमा सहभागी हुन उर्मिला अहिले नेदरल्यान्ड्समा छिन् । उनले उक्त अवार्ड कमलरी बहिनीहरुप्रति समर्पित गर्ने बताइन् । ‘यो अवार्ड मजस्तै सबै कमलरी बहिनीहरुको लागि हो । म उहाँ सबैप्रति यो अवार्ड समर्पित गर्न चाहन्छु,’ उर्मिलाले थारुवानसँग भनिन् ।

मुक्त कमलरी विकास मञ्चका सहसंस्थापक उर्मिलाले आफ्नो ११ वर्ष कमलरी भएर विताएकी थिइन् । उनी कमलरीबाट मुक्त भएपछि देशैभरि कमलरी मुक्ति अभियानमा लागेकी थिइन् ।

नेपाल सरकारले २०७० असार १३ गते मुक्त कमलरी घोषणा गरेको थियो ।

One thought on “उर्मिला चाैधरी ‘फ्रिडम फ्रम फेयर अवार्ड २०१८’बाट सम्मानित हुँदै

  1. Ma radio daily mail 94.6mhz ma tharu vasa ko antarbarta ko programme chalauxu. Urmila chaudhary ko details pauna sakxua?

Leave a Reply

Your email address will not be published. Required fields are marked *